Sumar!!!

úff nú er úti veður gott verður allur ís að klessu!

Sunshine Boogie!!! þessa dagana svo um munar. Ég er hérna alveg ægilega brenndur á hnakkanum. Ákvað í gær að læra úti. Var álíka mikið varinn og herstöðin á miðnesheiðinni. Er að gjalda fyrir það núna, en já það er ekki bara Maltið sem gefur hraustlegt og gott útlit.

Við sitjum hérna feðgarnir, ég og Matthías, í sófanum mínum sem varð töluvert betri eftir gærdaginn þegar mér áskotnaðist önnur dýna í sófann. Núna bara hreinlega langar mann ekkert á fætur lengur. Ligg hérna eins og skata með fartölvuna og rembist við ritgerðarsmíð, barnauppeldi, heimilisstörf og að standast ætar freistingar.

Matthías og Dísa fór með mér í Fruens Böge og fengu ís. Alexander er hjá krumma vini sínum og verður þar eitthvað fram eftir kvöldi.
Ég fer fljótlega að koma þeim í bólið og kannski smá tiltekt.

kveð í bili,

Arnar Thor